च.चि.१/१/५८

यथोक्तगुणानामामलकानां सहस्रं पिष्टस्वेदनविधिना पयस ऊष्मणा सुस्विन्नमनातपशुष्कमनस्थि चूर्णयेत्|
 

तदामलक सहस्र स्वरस परिपीतं स्थिरापुनर्नवाजीवन्तीनागबलाब्रह्मसुवर्चलामण्डूकपर्णीशतावरीशङ्खपुष्पीपिप्पलीवचाविडङ्ग

स्वयङ्गुप्तामृता- चन्दनागुरु मधुक मधूकपुष्पोत्पल पद्म मालती युवती यूथिका चूर्णाष्टभागसंयुक्तं पुनर्नागबला सहस्रपल स्वरस परिपीतमनातपशुष्कं द्विगुणितसर्पिषा क्षौद्रसर्पिषा वा क्षुद्रगुडाकृतिं कृत्वा शुचौ दृढे घृतभाविते कुम्भे भस्मराशेरधः स्थापयेदन्तर्भूमेः पक्षं कृतरक्षाविधानमथर्ववेदविदा, पक्षात्यये चोद्धृत्य कनक रजत ताम्र प्रवाल कालायस चूर्णाष्टभागसंयुक्तमर्धकर्षवृद्ध्या यथोक्तेन विधिना प्रातः प्रातः प्रयुञ्जानोऽग्निबलमभिसमीक्ष्य, जीर्णे च षष्टिकं पयसा ससर्पिष्कमुपसेवमानो यथोक्तान्  गुणान् समश्नुत  इति||५८||
 

भवन्ति चात्र-
 

इदं रसायनं ब्राह्मं महर्षिगणसेवितम्| भवत्यरोगो दीर्घायुः प्रयुञ्जानो महाबलः||५९||
 

कान्तः प्रजानां सिद्धार्थश्चन्द्रादित्यसमद्युतिः| श्रुतं धारयते सत्त्वमार्षं चास्य प्रवर्तते||६०||
 

धरणीधरसारश्च वायुना समविक्रमः| स भवत्यविषं चास्य गात्रे सम्पद्यते विषम्||६१||
 

(इति द्वितीयं ब्राह्मरसायनम्)

चक्रपाणि टीका

पिष्टस्वेदनविधिनेति यथा पिष्टकं तोयपरिपूरितपात्रोपरिदत्ततृणादिसंस्थितं स्वेद्यते, तथा तत् स्वेदनीयमित्यर्थः| स्वरसपरिपीतमिति स्वरस

भावितम्| ब्रह्मसुवर्चलाद्यौषधान्यायुर्वेदसमुत्थानीये वक्ष्यमाणानि| युवतिः नवमालिका| अष्टमो भागोऽष्टभागः| क्षुद्रगुडाकृतिमिति फाणिता

कृतिम्| अर्धकर्षवृद्ध्येति अर्धकर्षात्प्रभृति वर्धयेत्| यथोक्तविधिनेति कुटीप्रावेशिकेन विधिना| यथोक्तान् गुणानिति पूर्वप्रयोगफलश्रुतिपठि

तान्| धरणीधरसार इति उष्ट्रमुखवत्; तेन धरणीधराः पर्वताः, तेषां सारो लौहं, तद्वत्सार [१] इत्यर्थः| अविषमिति विषमविकारि||५८-६१||

१००० नग सर्व गुण सम्पन्न आमले को दूधकी भाष्पसे सिजाकर उनके भीतरकी गुठली अलग कर दें और फिर उन्हें पीसकर छायामें सुखालें । तदनन्तर उनका चूर्ण करके उसे १ हजार आमलां के रसकी भावना दें । जब सब रस सूख जाय तो उसमें उसका आठवां भाग शालपर्णी, पुनर्नवा, जीवन्ती, नागबला (गुलसकरी),  ब्रह्मसुवर्चला, मण्डूकपर्णी, शतावर, शंखपुष्पी, पीपल, बच, बायबिडंग, कांचके बीज, गिलोय, सफेद चन्दन, अगर, मुलैठी, महुवेके फूल, नीलोत्पल, कमल, मालती, फूलप्रियङ्गु और जूहीका समानभागमिश्रित चूर्ण मिलाकर उसे नागबलाके १००० पल ( ६२ सेर) रस की भावना देकर छायामें सुखा लें। और फिर उसमें उससे २ गुना घी या बराबर घी और शहद मिलाकर क्षुद्रगुड ( पतली राब ) के समान बना लें और उसे घृत रखनेके मज़बूत और चिकने पात्रमें भरकर, उसका मुख बन्द करके भूमिमें गड्डा खोदकर उसमें रख दें और राखसे दबा दें। एवं १५ दिन बाद निकालकर उसमें उसका आठवां भाग सोना, चांदी, ताम्र, प्रवाल और कृष्णलोहका चूर्ण ( भस्में ) मिलाकर सुरक्षित रखें । इसे आधा कर्ष (७ माशे ) की मात्रासे प्रारम्भ करके धीरे धीरे मात्रा बढाते हवे विधिपूर्वक प्रातःकाल सेवन करने और औषध पचने पर अग्नि-बलानुसार दूध के साथ घृतयुक्त साठी चावलेांका भात खानेसे रोग रहित दीर्घायु प्राप्त होती है।
इसे प्राचीन कालमें ऋषियोंने सेवन किया था। इसके सेवनसे अत्यन्त बलकान्ति, सन्तति और तेजकी वृद्धि होती है । मनुष्य श्रुतिधर, चट्टानके समान दृढ़ और वायुके समान् विक्रम शाली हो जाता है।
यदि शरीरमें किसी प्रकारके विषका प्रवेश हो गया हो तो वह भी इसके सेवनसे नष्ट हो जाता है।
( व्यवहारिक मात्रा--३ माशे।)